Bekymra i ferien? Du er ikkje aleine – og det du gjer kan gjere ein skilnad

Vi er godt inne i juli. Mange av oss nyt viktig avkopling frå jobb og tek til med ferietid. Likevel har det ikkje vore stille på veiledningstelefonen vår. Førespurnadene om råd og hjelp frå oss held fram.

Bekymringar og uro tek ikkje nødvendigvis ferie, sjølv om du har logga av Teams og satt autosvar på e-posten. Det er ikkje alltid lett å legge frå seg den ubehagelege magekjensla.

Den vage magekjensla – tør du lytte til ho?

Kanskje uroar du deg for ein kollega som har endra seg dei siste månadene. Kanskje merkjer du endra åtferd, forandring i arbeidsprestasjon, eller berre ei vag kjensle av at noko ikkje stemmer.

Det er lett å håpe at det går over av seg sjølv, men det du gjer, eller vel å ikkje gjere, har betydning.

Å ikkje handle er òg eit val

Når du ikkje gjer noko, er det òg eit val. Eit val som kan få konsekvensar, både for den einskilde og for arbeidsmiljøet.

Det at du – vi – vågar å gjere noko, å seie frå, det betyr noko og kan gjere ein skilnad.

Ei open samtale kan vere starten på noko godt

Sjølv om det kan vere krevjande å formidle ei bekymring, kan det vere starten på noko godt. Med tryggleik og tillit i botn av relasjonen, kan ei open samtale opne opp for hjelp og endring.

Di tilbakemelding kan vere det som gjer at ein kollega får moglegheit til å snakke om det som er vanskeleg – og kanskje få hjelp før det utviklar seg vidare.

Di stemme kan utgjere ein skilnad

Kjenner du deg att i denne teksten? Då vil eg oppmode deg til å ta bekymringa di på alvor og snakke med den det gjeld.

Er du usikker på korleis du skal gå fram, kan du alltid ta kontakt med oss. Vi er her for å hjelpe.

Du finn meir informasjon her: akan.no/bekymret-for-en-ansatt

Eller ring oss på 22 40 28 00.

Vi held feriestengt i veke 29 og 30, men er tilbake måndag 28. juli.